ПРЕД СЕДУМ ГОДИНИ КК „БЛОКОТЕХНА“ СТАНА БАЛКАНСКИ КОШАРКАРСКИ ПРВАК

На 7 април 2019 година во Тирана, Албанија, КК „Блокотехна“, по победата над домаќинот„Тирана“ со 82-68, стана првак во тогашната Балканска лига.
Тимот беше создаден од долгогодишниот инвеститор во КК Кожув, Томица Главчев, кој, по повлекувањето од „Кожув“се реши за стартување на сопствена кошаркарска приказна – формирајќи свој клуб што го носеше името Блокотехна, по делот од градот каде Главчев изгради модерна спортска сала.
Целта ни е јасна – да работиме исклучиво со македонски кошаркари, а во моментов за членови имаме млади играчи. Се договоривме со Марјан Илиевски за тој да почне да работи со овие млади кошаркари и да им помогне во нивниот развој“ – изјави по формирањето Главчев .
Клубот беше основан во декември 2016 година. Блокотехна, во својата втора сезона од нејзиното постоење, ја освои Балканската лига 2018/19. Во истата сезона клубот како домаќин беше финалист во купот на Македонија. Во јуни 2019 година клубот престана да постои. ... See MoreSee Less

МЕЃУНАРОДЕН ДЕН НА РОМИТЕ

8-ми Април е Ден на прослава на ромската култура и подигање на свеста за проблемите со кои се соочуваат Ромите. Денот службено бил прогласен во 1990 година во Сероцк, Полска, местото каде што се одржал четвртиот Светски ромски конгрес на Меѓународната ромска унија во спомен на првата поголема меѓународна средба на ромските претставници кој бил одржан во Чесфилд крај Лондон од 7 до 12 април 1971 година. На тој конгрес била донесена одлука за ромската химна за која била избрана песната Ѓелем, ѓелем (ромски): „Одев, одев“) и одлука за знамето за кое била одбрана сино-зелена двобојка со црвена точка во средината, симбол на напредокот и движењето, но и миграција на Ромите во текот на историјата. ... See MoreSee Less

БОГОСЛУЖБИ ВО ЦРКВАТА „СВЕТИ КИРИЛ И МЕТОДИЈ“ ВО СВЕТИТЕ ДЕНОВИ ЧЕТВРТОК, ПЕТОК И САБОТА.

Во светите денови на Страсната седмица, да Го пресретнеме Христа — Небесниот Жених, со будни срца, молитва и покајание.
Последната недела од Велигденските пости, што значи неделата пред Велигден, се вика и Велика и Страсна недела. Велика не затоа што деновите во неа се поголеми или помногубројни, туку затоа што во неа Господ направил големи дела: разрушено е царството на Ѓаволот, уништена е смртта, победен е гревот, симнато е проклетството, отворен е Рајот и небото им станало достапно на луѓето.

Велик четврток е означен како ден на востановување на новозаветната пасхална жртва, денот кога се одбележува Тајната вечера, воведувањето на причестувањето и поуките за смирение и љубов кон ближниот.
На Велик Четврток, 9 април, наутро во 07,30 часот, во Црквата „Свети Кирил и Методиј“ ќе се служи Светата Василева литургија, а во 10,00 часот Општ Маслосвет(Молитви за здравје). Вечерта во 18,00 часот ќе се читаат 12-те страдални евангелија.
На Велик петок Господ Исус Христос е осуден, распнат и погребен. Во храмовите нема литургија, а вечерта се изнесува плаштеницата, симбол на неговото полагање во гроб. Верниците минуваат под неа како чин на вера и почит.
На Велик Петок, 10 април, наутро во 10,00 часот во црквата ќе бидат Царските часови, вечерна и изнесување на Плаштеницата. Поминувањето под Плаштеницата е преку целиот ден. Вечерта од 18,00 часот-Погребение Христово.
Слегувањето во адот е на Велика Сабота, ден на тишина и исчекување, кога се прави духовна подготовка за најголемиот христијански празник – Велигден
На Велика Сабота, 11 април од 07,30 часот ќе биде служена Светата Василева литургија, додека во 23,30 дојдете во црковниот храм да ја примите светлината, и да го дочекате дочекате Христовото Светло Воскресение кое се случува на Велигденската недела. ... See MoreSee Less